Sot kemi cardio/circuit. Janë 10 ushtrime të cilat do të ekzekutohen rresht, me vetem 15 sekonda pushim njëri nga tjetri. Kur të ketë mbaruar circuiti I parë, pra 10 ushtrimet e para, mund të bëni dy minuta pushim. Për të përsëritur sërish circuitin edhe dy herë të tjera, njësoj si herën e parë.
Në pozicionin fillestar, qëndrojmë drejt me këmbët të hapura sa gjerësia e supeve. Çojmë këmbën mbrapa, anash dhe ulim gjurin sa më afër tokës. Kthehemi në pozicionin fillestar dhe vazhdojmë të njëjtën lëvizje nga ana tjetër.
30 sekonda
Ulemi fillimisht me avash dhe bëjmë një pompë. Çohemi me hedhje duke shpënë këmbët para dhe më pas ngrihemi plotësisht, duke bërë një shkëputje nga toka po me hedhje. Shkojmë sërish në pozicion pompe.
Koha: 20 sekonda
Squat me hedhje. Ulemi në pozicionin squat, këtë herë duke u hedhur me kembet hapur më gjerë se sa pozicioni I supeve. Ngrihemi me hedhje. Pozicioni I duarve si në video.
Koha: 30 sekonda
Ulur në vithe, mbështetur me pëllëmbët që ndodhen të pozicionuara, anash, mbrapa vitheve, ngremë këmbët dhe I mbledhim dhe shtrimë ato, pa I ulur në tokë.
Koha: 30 sekonda
Qëndrojmë në të njëjtën pozicion si më sipër, vetëm se këtë herë këmbët I mbledhim dhe shtrijmë duke I spostuar sa majtas, djathtas.
Koha: 30 sek
Me këmbët të hapura më gjerë se sa gjerësia e shpatullave ulemi në pozicion squati. Kur ngrihemi ngremë njërën këmbë anash, sa më lart. Ulemi sërish në pozicion squati dhe kur ngrihemi, ngremë këmbën tjetër.
Koha: 30 sekonda
Vendosim këmbët njërën para, tjetrën mbrapa dhe ulemi sa më shumë me gjurin pranë tokës. Kalojmë menjëherë në këmbën tjetër, me hedhje.
Koha: 30 sekonda
Qëndrojmë në pozicionin fillestar drejt, me këmbët të hapura sa gjerësia e supeve. Ulemi në gjunjë aty ku jemi. Çohemi menjëherë dhe shkëputemi nga toka me hedhje. Duart i mbajmë si në video
Koha: 20 sek
Hedhje me litar. Edhe nëse nuk keni litar në shtëpi, mund ta bëni ushtrimin si në video, pa litar.
10 hedhje me dy këmbët, 10 me njërën këmbë, 10 me tjetrën dhe sërish 10 me të dyja këmbët.
Në pozicion squati hidhemi njëherë para, pastaj pas.
Koha 30 sekonda.