Gjithçka ju duhet sot është një girë, për një stërvitje të gjithë trupit. Ushtrimet do t'i beni rresht nga i pari tek i fundit me 20 sekonda pushim nga njeri tjetri. Kur te keni mbaruar raundin e pare me 10 ushtrime do te pushini 2 minuta. Do te vazhdoni edhe dy raunde te tjera, pra 10 gjithesej
Me këmbët të hapura sa gjerësia e supeve, me një girë në njërën dorë, ulemi në pozicion squati, duke prekur tokën me girë. Çohemi dhe fillimisht e ngremë dorën duke e ndaluar tek supi, më pas e shtrijmë sipër, deri në fund, për ta ulur sërish tek supi dhe më pas në tokë në pozicion squati.
Koha: 15 sekonda njëra dorë, 15 sekonda dora tjetër.
Këmbët të hapura sa më shumë. Me girën në njërën dorë, ulemi në pozicion squati duke e future girën në mes të këmbëve. Ngrihemi sërish me vrull, dhe dorën e çojmë para, në lartësinë e fytyrës.
Koha: 15 sekonda njëra dorë, 15 sekonda dora tjetër.
Ulemi në pozicion squati, me girën që e mbajmë me të dy duart para fytyrës. Në momentin që ngrihemi, ngremë edhe duart lart, sipër kokës, bashkë me girë.
Koha: 30 sekonda
Me njërën këmbë para dhe tjetrën mbrapa, ulemi sa më poshtë (gjuri mbrapa gati duke prekur dyshemenë). Mbajmë nga një girë në secilën dorë.
Koha: Fillimisht 15 me njërën këmbë, pastaj 15 me tjetrën.
Me këmbët të hapura më shumë se sa gjerësia e shpatullave, mbajmë një girë në dorë në lartësinë midis gjoksit dhe mjekrës. Ulemi në pozicion squati me dy kohë, fillimisht gjysmë squat, pastaj squat. Ngrihemi dhe në momentin që ngrihemi kontraktojmë fort vithet, duke I shtrenguar.
Koha: 30 sekonda
Qendrojmë drejt, me këmbët shumë pranë njëra tjetrës. Mbajmë nga një girë në secilën dorë. Hapim këmbën e majtë dhe ulemi në pozicion squati. E çojmë sërish këmbën e majtë ne vend dhe ulemi në pozicion squati. Hapim këmbën e djathtë dhe ulemi në pozicion squati. Çojmë këmbën e djathtë në pozicion e mëparshëm dhe ulemi sërish në pozicion squati.
Koha: 30 sekonda
Me një girë në duar, para gjoksit, gjunjët e përthyera dhe pak e përkulur para, lëvizim me shpejtësi këmbët sikur të jemi duke bërë vrap në vend.
Koha: 30 sekonda
Me këmbët të hapura më shumë se sa gjerësia e supeve, me një girë në njërën dorë, përkulemi para, duke tentuar të prekim këmbën e kundërt me dorën që ka girën. Çohemi dhe fillimisht e ngremë dorën duke e ndaluar tek supi, më pas e shtrijmë sipër, deri në fund, për ta ulur sërish tek supi dhe më pas në tokë në pozicion squati. E kryejmë ushtrimin për 15 sekonda me njërën anë, pastaj kalojmë 15 sekonda me anën tjetër.
E ulur në vithe, me këmbët të ngritura nga toka dhe të kryqëzuara nga njëra tjetra, mbajmë një girë në dorë, të cilën e spostojmë sa majtas djathtas, bashkë me trupin.
Koha: 30 sekonda
E ulur në vithe, me duart të mbështetura në tokë mbrapa, këmbët në pozicion fillestar të mbledhura, afër gjoksit, I shtrijmë para. I mbledhim sërish dhe I shtrijmë majtas, I mbledhim sërish i shtrijmë para, më pas djathtas e kështu me radhë për 30 sekonda.
Koha: 30 sekonda