Përbërësit
– 2 lugë vaj ulliri
– 2 thelpinj hudhër
– 250 gr spinaq
– 1 lugë salcë domate
-120 gr ton në kuti
– 200 gr gjizë
– 2 vezë
– 4 lugë gjelle miell kamut, pa gluten, ose integral
– 3 lugë gjelle uji
Përgatitja
Hedhim 1 lugë vaji në tigan dhe presim të ngrohet. Shtojmë hudhrat, më pas spinaqin, salcën, tonin dhe gjizën dhe I përziejmë për 4-5 minuta në tigan.
Ndërkohë rrahim vezët, me miellin dhe 3 lugë ujë. Në një tigan tjetër (që nuk ngjit), hedhim lugën e dytë të vajit të ullirit dhe e lëmë të ngrohet. Shtojmë një garuzhde nga brumi i përgatitur. E lëmë sa të bëhet nga poshtë dhe e kthejmë nga ana tjetër. E heqim nga zjarri.
I vendosim në një pjatë, I shtojmë spinaqin me tonin dhe gjizën, I mbështjellim dhe I shijojmë.