Programi i Palestrës – Shto Peshën

Më në fund pritjes i erdhi fundi. Pas shumë muajsh që kam kaluar duke studiuar, ndërtuar, e më pas provuar tek vetja programin e palestrës, jam gati ta ndaj me ju.
Për të gjitha vajzat dhe gratë që duan të ndihen më të forta, më seksi, me më shumë vetbesim, për të gjitha ju që dëshironi të përmirësoni jo vetëm pamjen e jashtme, por mbi të gjitha mënyrën se si ndiheni së brendshmi. Për të gjitha ju që e keni nisur palestrën shumë herë, por e keni lënë përgjysëm pasi, shkoni disa ditë, nuk dini çfarë të bëni, nuk keni një program për të ndjekur, nuk dini me çfarë regjimi ushqimor ta shoqëroni stërvitjen që po bëni. Për të gjitha ju që nuk nuk keni frikë nga muskujt, apo të “dukeni si burrë”, që nuk keni frikë të punonin me pesha dhe doni të nxirrni më të mirën e trupit tuaj, ky program është ai që bën për ju.

8 javë, stërvitja 5 herë në javë, duke ndarë 3 ditë në javë pjesën e poshtme të trupit. Dita e parë me focus vithet, e dita e tretë me focus quadriceps dhe hamstring dhe dita e pestë me fokus vithet dhe këmbët bashkë. Dy ditë të tjera fokus në pjesën e sipërme të trupit, me një ditë supet, bicepsi dhe barku dhe ditën tjetër shpina, triceps dhe barku. Dy ditë janë pushim, për t’i dhënë mundësi muskujve të marrin veten. Ditët e pushimit i zgjidhni ju vetë. Përshtateni stërvitjen në bazë të axhendës javë. E njëjta gjë vlen edhe për kohën kur bëni ushtrime. S’ka rëndësi orari, rëndësi ka të gjeni 1 orë, nga 24 që ka dita, për ta bërë stërvitjen.

Regjimi stërvitor shoqërohet me regjimin ushqimor, I cili duhet të ndiqet për të patur rezultate sa më optimale.